रोल्पा। रोल्पाको परिवर्तन गाउँपालिका वाग्माराबाट दाङको घोराहीका लागि छुटेको ना ख २६१२ नम्बरको बस दुर्घटना हुँदा ४ जनाको मृत्यु भएको छ भने १८ जना घाइते भएका छन् । जिल्ला प्रहरी कार्यालय रोल्पाका सूचना अधिकारी प्रकाश भुसाल
जिल्ला प्रहरी कार्यालय रोल्पाका सूचना अधिकारी प्रकाश भुसालका अनुसार मृत्यु हुनेमा रोल्पाको माडी गाउँपालिका(२ बस्ने २१ वर्षीय प्रकाश बाँठा, माडी गाउँपालिका(४ का ५० वर्षीय गोर्खे डाँगी र उनकी ५० वर्षीया श्रीमती हस्त डाँगी तथा परिवर्तन गाउँपालिका(३ का ४६ वर्षीय भक्तबहादुर विक रहेका छन् ।
बस दुर्घटनामा परी घाइते भएकाहरूको उपचारका लागि दाङ पठाइएको सूचना अधिकरी भुसालले बताए ।
बस त्रिवेणी गाउँपालिका(७ तिला रिचि गाउँ भन्ने ठाउँमा दुर्घटना भएको थियो । सडकदेखि करिब १५० मिटर तल खसेको उक्त बसमा १९ जना यात्रु सवार रहेको जिल्ला प्रहरी कार्यालय रोल्पाले जनाएको छ ।