दार्चुला – दार्चुलाको मालिकार्जुनमा दिपेन्द्र स्मृति प्रतिस्ठानले सर्वाधिक धनराशिको वडा स्तरीय खुल्ला पुरुष भलिबल प्रतियोगिता आयोजना गर्ने भएको छ ।मालिकार्जुन गाउँपालिका -३ प्रेम नगर(मड)मा दिपेन्द्र स्मृति भलिबल प्रतियोता आयोजना हुन लागेको हो ।छठौ दिपेन्द्र स्मृति खुल्ला वडास्तरीय पुरुष भलिबल प्रतियोगिता कार्तिक २ गते देखि मालिकार्जुन गाउँपालिका -३ प्रेम नगर (मड) मा सञ्चालन हुने आयोजकले जनाएको छ।दसैँको अवसरमा आयोजना हुने प्रतियोगितामा जिल्लाका विभिन्न वडाको सहभागिता रहने प्रतिष्ठानका अध्यक्ष माधव सिंह धामीले बताए । वडा स्तरीय खुल्ला भलिबल प्रतियोगितामा टीम दर्ता शुल्क ९ हजार तोकिएको छ । प्रतियोगितामा प्रथम हुने टीमले एक लाख १३ हजार एक सय १३ नगद सहित प्रमाणपत्र पाउने अध्यक्ष धामीले बताए।त्यस्तै दोस्रो हुनेले ५५ हजार ५ सय ५५ र तेस्रो हुने टीमले २२ हजार २ सय २२ नगद सहित प्रमाणपत्र पाउने छन । टीम दर्ताको समय यही असोज ३० गतेसम्म रहेको दिपेन्द्र स्मृति प्रतिस्ठानले जनाएको छ।दिपेन्द्र स्मृति प्रतिस्ठानले प्रतेक बर्ष मालिकार्जुन प्रेम नगर (मड)मा भलिबल प्रतियोगिता आयोजना गर्दै आइरहेको छ।भलिबल खेलाडीको सम्मानका लागि र स्वर्गीय दिपेन्द्र सिंह धामीको सम्झनाको लागि प्रतियोगिता आयोजना हुन लागेको अध्यक्ष धामीले बताए।
