काठमाडौं- सुदुरपश्चम प्रदेश खेलकुद परिषदको आयोजनामा हुने तेस्रो मुख्यमन्त्री कप खुला पुरुष राष्ट्रीय भलिवल प्रतियोगिताकोे तयारी पुरा भएको छ । सुदुरपश्चिम प्रदेश खेलकुद परिषदको आयोजना एव कञ्चनपुर जिल्ला भलिबल संघको समन्वय व्यवस्थापनमा आगामी माघ १४ गते बाट सञ्चालन हुने तेस्रो मुख्यमन्त्री कप खुला पुरुष राष्ट्रीय भलिवल प्रतियोगिताको सम्पुर्ण तयारी पुरा भएको हो ।
शनीवार महेन्द्रनगरमा आयोजना गरिएको पत्रकार सम्मेलनमा सुदूरपश्चिम प्रदेश खेलकुद परिषदका सदस्य सचिव दिपक वहादुर सिहले आईतवार देखी हुने तेस्रो मुख्यमन्त्री कप खुला पुरुष राष्ट्रीय भलिवल प्रतियोगिताको सम्पुर्ण तयारी पुरा भएको वताउनु भएको हो । प्रतिायेगिताका लागी खेलाडि तथा प्रशिक्षक र निर्णायकहरु महेन्द्रनगर पुग्ने क्रम जारी रहेको समेत उहाले बताए ।
आईतवार दिउसो १ बजे परराष्ट्र मन्त्री एन पि साउदले तेस्रो मुख्यमन्त्री कप खुला पुरुष राष्ट्रीय भलिवल प्रतियोगिताकोे उदघाटन गर्ने कार्यक्रम रहेको छ । उक्त माघ १४ देखी १८ सम्म सञ्चालन हुने भलिवल प्रतियोगिताले अन्तराष्ट्रीय स्तरमा समेत खेलाडी उत्पादनमा योगदान पुर्याउने लक्ष्य राखेको छ ।