सीमामा भारतीय एसएसबीको ज्यादती, नेपाली महिलामाथि कुटपिट

कञ्चनपुरस्थीत सीमावर्ती बजारमा भारतीय एसएसबीद्धारा नेपाली महिलामाथि कुटपिट

Krishna

काठमाडौं– कञ्चनपुरस्थीत सीमावर्ती बजारमा भारतीय एसएसबीद्धारा नेपाली महिलामाथि कुटपिट भएको छ । कञ्चनपुरको बेलौरी स्थित सीमावर्ती बजारमा भारतीय सीमा सुरक्षा बल(एसएसबी) द्धारा नेपाली क्यारिङकर्ता महिलालाई कुटिएको बताइएको छ।

भारतीय बजार खजुरियाबाट सामान ल्याउने क्रममा पिल्लर नम्बर ८ र ७ को बीचमा बेलौरी नगरपालिका ६ की महिला कुटिएको घटना बाहिरिएको हो। घटना माघ २० गते शनिबार बिहानको भएपनि आजमात्रै बाहिर आएको हो ।  खजुरियाबाट फर्किने क्रममा बेलौरी नगरपालिका-६ रिछाहाकी शान्ती राना (जानु) माथी एसएसबीले कुटपिट गरेको स्थानीय व्यवसायीले बताएका छन। गालीगलौज गर्दै एसएसबीले उनीमाथि निलडाम बस्ने गरि निर्घात कुटपिट गरेका थिए ।

रानाको पिठ्यु, कम्मर र खुट्टामा निल डाम बसेको छ। उनीसंगै रहेका अन्य १४ जना महिला क्यारिङकर्ता माथि पनि एसएसबीले दुव्र्यवहार गर्दै समान जफत गरेको व्यवसायीको भनाइ छ । कुटपिट पछि घटना दुई देशका व्यापारी र सुरक्षा निकायका प्रतिनिधि बसेर थामथुम पारिएको छ ।

घटना पछि उद्योग बाणिज्य संघ बेलौरी, खजुरीया व्यापार मण्डली र दुई देशका सुरक्षा निकायका प्रतिनिधि बसेर कुटपिट गर्नेलाई विभागिय कारवाही गरेर उपचारका लागि क्षतिपुर्ती दिने गरी घटना मिलाइएको बेलौरी उद्योग बाणिज्य संघका अध्यक्ष हिरा सिंह विष्टले बताए ।

Leave A Reply

Your email address will not be published.