काठमाडौं– ब्याग्स अफ होपको डोटी जिल्ला अध्यक्षमा पुस्कर विक्रम शाह नियुक्त भएका छन् । शाहलाई ब्याग्स अफ होपका केन्द्रीय अध्यक्ष नितिश जोशीले डोटीको जिम्मेवारी दिएका हुन् । डोटीका विभिन्न सामाजिक आन्दोलनहरूमा सकारात्मक युवा संलग्नतालाई थप बलियो बनाउनका लागि शाहलाई जिल्ला अध्यक्षको जिम्मेवारी दिइएको केन्द्रीय अध्यक्ष जोशीले बताए ।
सामाजिक काममा सक्रिय ब्याग्स अफ होपले देशैभर संगठन विस्तार गर्ने योजना बनाएको छ । सोही अन्तर्गत डोटीमा पनि समिति गठन गरिएको हो । ब्याग्स अफ होपले स्थापनाको छोटो समयमा नै थुप्रै सामाजिक कामहरु गरिसकेको छ । काठमाडौका कलेजमा मानसिक स्वास्थ्य सम्बन्धी जनचेतना मुलक कार्यक्रम सञ्चालन गरेको ब्याग्स अफ होपले विद्यार्थीसँग सांसद नामक कार्यक्रम पनि सञ्चालन गरिरहेको छ ।
