दार्चुला – धनगढीमा मोटरसाइकल दुर्घटना हुँदा एक जनाको मृत्यु भएको छ। उपमहानगरपालिकाको वडा नम्बर ३ का १८ वर्षीय पुष्प गिरीको मृत्यु भएको जिल्ला प्रहरी कार्यालय कैलालीले जनाएको छ।
गिरी आफैले चलाएको म २ प ७६३० नम्बरको मोटरसाइकल अनियन्त्रित भई दुर्घटना भएको प्रहरीले बताएको छ।
दुर्घटनामा गम्भीर घाइते भएका उनको धनगढीस्थित निसर्ग अस्पतालमा हिजो राति मृत्यु भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टले बताउनु भयो।
उनका अनुसार मोटरसाइकलमा सवार सोही ठाउँका १८ वर्षीय पशुपती बोहरा र १६ वर्षीय समीप सिंहको माया मेट्रो अस्पतालमा उपचार भइरहेको छ। तीन जना सवार उक्त मोटरसाइकल अनियन्त्रित भई ३ नम्बर वडा कार्यालय नजिकै दुर्घटना भएको बताइएको छ।