दार्चुला, गोकुलेश्वर ।दार्चुलामा लैङ्गिक हिंसा बिरुद्ध को १६ दिने अभियान जारी रहेको छ । “प्रविधिको सहि प्रयोग गरौ: लैङ्गिक हिंसा अनत्य गरौ“ भन्ने राष्ट्रिय नाराका साथ हिजो मंगलबार देखि सुरु भएको अभियान अहिले जारी रहेको छ ।
यो अभियान हरेक वर्ष नोभेम्बर २५ तारेखदेखि १० डिसेम्बरसम्म विविध कार्यक्रम गर्दै मनाइन्छ । यो वर्ष ’प्रविधिको सही प्रयोग गरौँ, लैङ्गिक हिंसा अन्त्य गरौँ’ भन्ने नाराका साथ १६ दिने अभियान सुरू भएको हो ।
३४ औं लैङ्गिक हिंसा विरुद्धको १६ दिने अभियानको अवसरमा बुधबार जिल्लाको शैल्यशिखर नगरपालिका र ईलाका प्रहरी कार्यालयको समन्वयमा गोकुलेश्वर बजार क्षेत्रमा र्याली तथा अन्तरक्रिया कार्यक्रम सम्पन्न गरिएको छ ।
कार्यक्रममा शैल्यशीखर नगरपालिकाका नगर प्रमुख, विजय सिह धामी प्रमुख प्रसासकिय अधिकृत, वडा ९ का वडा अध्यक्ष ईलाका प्रहरी कार्यालयका प्रमुख, विद्यार्थी नगरपालिकाका अन्य कर्मचारी, ईलाका प्रहरी कार्यालयमा कार्यरत अन्य प्रहरीहरुकोे सहभागिता रहेको ईलाका प्रहरी कार्यालय गोकुलेश्वरका प्रहरी निरक्षक निरज सिंह भाटले जानकारी दिनुभयो।
