दार्चुला । नेकपा (एमाले) को ११औँ महाधिवेशनमा दार्चुलाबाट केन्द्रीय सदस्यमा गणेश सिंह ठगुन्ना विजयी हुनुभएको छ । दार्चुलाबाट निर्वाचित पूर्व सांसद तथा पूर्वमन्त्री समेत रहनुभएका ठगुन्ना यस अघि पार्टीको केन्द्रीय पोलिटब्यूरो सदस्य हुनुहुन्थ्यो ।
विहिबार सम्पन्न ११औँ महाधिवेशनको मतपरिणाम अनुसार ठगुन्नाले एक हजार ३ सय ४९ मतसहित प्राप्त गरेको निर्वाचन समितिले जनाएको छ। दार्चुलाबाट केन्द्रीय सदस्यमा ४ जना गणेश सिंह ठगुन्ना, हरदेव जोशी, प्रेम सिंह धामी र धर्मान्नद मन्यालले उम्मेद्धवारी दिनुभएको थियो ।
ठगुन्ना केन्द्रीय सदस्य निर्वाचित हुँदा जोशी, धामी र मन्याल भने पराजित हुनुभएको छ। खुल्ला केन्द्रीय सदस्यमा निर्वाचित ठगुन्नाले पदाधिकारीमा दाबी गरेपनि केन्द्रीय सदस्यमा मात्रै उम्मेदवारी दिनुभएको थियो।