काठमाडौं । संघीय संसद सचिवालयले प्रतिनिधिसभाको पहिलो बैठक बस्नुअघि सर्वदलीय बैठक आह्वान गरेको छ ।
सरकारको सिफारिसमा राष्ट्रपतिबाट संघीय संसदको अधिवेशन आह्वान भएसँगै संसद सचिवालयले सर्वदलीय बैठक बोलाएको हो ।
गत २१ फागुनमा सम्पन्न प्रतिनिधिसभा सदस्य निर्वाचनबाट निर्वाचित सांसदहरूको पहिलो बैठक १९ चैत दिउँसो २ बजेका लागि बोलाइएको छ । सो बैठक अघि सर्वदलीय बैठक बुधबार दिउँसो १ बजे बस्ने संसद सचिवालयले जनाएको छ ।