दार्चुला-दार्चुलामा बालकको मृत्युको जिम्मेवार आफु रहेको भारतीय पक्षले स्वीकार गरेको छ । शुक्रबार ब्यास गाउँपालीका वडा नम्बर २ मा भारतीय पक्षले महाकाली नदीपारी सडक निर्माण गर्नको लागि विस्फोट गराउँदा उछिट्टिएको ढुंगा लागेर दार्चुलाको व्यास गाउँपालीका वडा नम्बर २ दुम्लिङका ९ वर्षीय बालक पवन महराको मृत्यु भएको थियो। सोही घटनामा भारतीय सडक निर्माण कम्पनीले आफ्नो गल्ती भएको स्वीकार गरेको प्रमुख जिल्ला अधिकारी दिर्घराज उपाध्यले मालीकार्जुन खबरलाई बताए । उनले भने आज शनिबार भारतीय पक्ष निर्माण कम्पनी र पीडित परिवारसँग छलफल भईरहेको प्रमुख जिल्ला अधिकारी उपाध्यले भने । निर्माण कम्पनीले क्षतिपूर्ती दिन तयार रहेको जनाएको छ। मोटामोटी १० लाख रुपैँया सम्म दिने पनि सहमति भईरहेको उपाध्यले बताउनुभयो अहिलेसम्म भईुकेको छैन तर पिडित पक्ष र भारतीय पक्ष बिच सहमती भईरहेको उहाँले बताउनुभयो । तर, नीजि कम्पनी भएकाले आफूहरुलाई रोजगारी भन्दा पनि उचित क्षतिपूर्ति दिनुपर्ने परिवारको माग छ। गर्ग एण्ड गर्ग कम्पनीले सडक निर्माणका लागि जिलेटिन बिस्फोट गर्दा उछिट्टिएको ढुंगाले महराको मृत्यु भएको थियो।
