काठमाडौं – आज (बिहीवार) बिहानै दार्चुलाको एक आरामिलमा आगलागी भएको छ। शैल्यशिखर नगरपालिका ९ गाजरीमा मोडमा बासुदेव भट्टले सञ्चालन गरेको आरा मिलमा बिहान ३ः३० बजेतिर अचानक आगलागी भएको हो।
आगलागी हुँदा आरा मिल भित्र रहेका काठ, ब्याट्री, सिसा, फ्रेम लगायतका सामान गरि अन्दाजी मुल्य ३० लाख बराबरको धनमाल जलेर नष्ट भएको मिल सन्चालक बासुदेब भट्टले जानकारी दिए।
उक्त आगलागी स्थानिय र प्रहरीको सहयोगमा केही समय पछी नियन्त्रणमा ल्याइएको थियो।आगलागी के कसरी भयो भन्ने सम्बन्धमा अनुसन्धान भैरहेको ईलाका प्रहरी कार्यालय गोकुलेस्वरले जनाएको छ।