दार्चुला– दार्चुलामा शनिवार विद्युत सेवा अवरुद्ध हुने दार्चुलामा शनिवार विद्युत सेवा अवरुद्ध हुने भएको छ । नेपाल विद्युत प्राधिकरण दार्चुला वितरण केन्द्रले एक सूचना जारी गरेर शनिवार बिहान ९ बजेदेखि दिउँसो साढे २ बजेसम्म विद्युत सेवा अवरुद्ध हुने जनाएको हो ।
चमेलिया सवस्टेशनबाट थालिगाड सबस्टेशनमा आपूर्ति हुने विद्युत सेवा शैल्यशिखर नगरपालिका– ५ बगौरादेखि महाकाली नगरपालिका–६ निसिलसम्म ३३ के.भि. लाइनमा ब्रुस कटिङ गर्नुपर्ने भएकाले विद्युत अवरुद्ध हुने जनाइएको छ ।
थालिगाड सबस्टेशनबाट आपूर्ति हुने विद्युत सेवा महाकाली नगरपालिका, दुहुँ गाउँपालिका, व्याँस गाउँपालिका, नौगाड गाउँपालिका र मालिकार्जुन गाउँपालिकामा विद्युत सेवा अवरुद्ध हुने नेपाल विद्युत प्राधिकरण दार्चुला वितरण केन्द्रले जनाएको छ ।