दार्चुला – प्रथम मालिकार्जुन आध्यात्मिक सम्मेलन तथा आवासिय योग प्रशिक्षण शिविर सञ्चालन गरिएको छ ।
दार्चुलाको मालिकार्जुन गाउँपालिका–३ स्थित राष्ट्रिय धाम मालिकार्जुनमा शनिबार योग प्रशिक्षण शिविरको उद्धघाटन गरिएको हो । शनिबारदेखि योग शिविर सञ्चालन गरिएको मालिकार्जुन गाउँपालिका अध्यक्ष हिरा सिंह धामीले बताए ।
योग शिविरमा प्रमुख जिल्ला अधिकारी यज्ञराज जाेशी जिल्ला प्रहरी कार्यालयका प्रमुख, शस्त्र प्रहरीका प्रमुख लगायतकाे उपस्थितिमा आध्यात्मिक सम्मेलन तथा आवासिय योग प्रशिक्षण शिविरको उद्धघाटन गरिएको हो । यस्तै जिल्ला समन्वय प्रमुख महादेव बडु (कस्यब) शैल्यशिखर नगरपालिका प्रमुख बिजय सिंह धामी लगायतको सहभागीता रहेको थियो। नेपाल राष्ट्रका प्रथम जगतगुरु पनि दिउँसो कार्यक्रममा सहभागी भएर प्रबचन दिएका थिए।
