दार्चुलामा पछिल्लो अवधिमा विभिन्न प्रकृतिका घटनाहरू घटेका छन्। जिल्ला प्रहरी कार्यालय दार्चुलाका अनुसार महिला, बालबालिका तथा ज्येष्ठ नागरिकसँग सम्बन्धित घटनादेखि लिएर आत्महत्या र अन्य आपराधिक गतिविधिहरूका विवरण सार्वजनिक गरिएको छ।
गत चैत्र महिनामा मात्रै महिला, बालबालिका तथा ज्येष्ठ नागरिकतर्फ कुल ९ वटा उजुरी दर्ता भएका छन्। उमेर समूहअनुसार हेर्दा २१–२५ वर्ष समूहमा सबैभन्दा बढी ७ जना प्रभावित रहेका छन् भने २६–४५ र ४६–५९ वर्ष समूहमा समान रूपमा १/१ जना रहेका छन्।
हराएका तथा फेला परेका व्यक्तिहरूको विवरण अनुसार ६ जना हराएको र ६ जना फेला परेको उल्लेख गरिएको छ। घरेलु हिंसातर्फ ५ वटा उजुरी परेकोमा सबै ५ वटै मिलापत्र भएको र कुनै पनि मुद्दा अदालत पुगेको छैन।
ठाडो उजुरीतर्फ २२ वटा उजुरी प्रत्यक्ष रूपमा प्रहरी कार्यालयमा परेको छ। ती सबै २२ वटै उजुरी फछ्र्यौट भइसकेका छन् । आत्महत्या सम्बन्धी घटनामा कुल १ जनाको मृत्यु भएको छ, जसमा पुरुष १ जना रहेका छन् भने महिला, बालक र बालिका शून्य रहेका छन्।
आत्महत्याको कारणमा झुण्डिएर आत्महत्या १ रहेको र विष सेवनबाट आत्महत्या भएको घटना नभएको जनाइएको छ। उमेर समूहअनुसार ३१–४० वर्ष समूहमा १ घटना देखिएको छ।
त्यसैगरी, चैत महिनामा घटेका मुख्य अपराधमध्ये झुण्डिएर आत्महत्या १, लागू औषध सम्बन्धी १ घटना रहेको छ भने कर्तव्य ज्यान, ज्यान मार्ने उद्योग, वैदेशिक कसुर र साइबर अपराधका घटना शून्य रहेका छन्। कुल २ वटा प्रमुख अपराधका घटना दर्ता भएका छन्।
प्रहरीले समाजमा शान्ति सुरक्षाको अवस्था सुदृढ राख्न निरन्तर सक्रियता बढाएको जनाएको छ। साथै, नागरिकलाई सचेत र जिम्मेवार बन्न आग्रह गरिएको छ।
दार्चुलामा तीन सवारी साधन दुर्घटना, दुईको मृत्यु, आठ जना घाइते