बैतडी । बैतडी ट्राफिक प्रहरीले एक हजार ५०८ जना सवारी नियम उल्लंघनकर्ताबाट १२ लाख ९८ हजार रुपैयाँ राजस्व संकलन गरेको छ। यो रकम गत आर्थिक वर्षमा संकलन गरिएको हो।
उक्त कार्यालयका प्रवक्ता सुरज सिंहका अनुसार गत आवमा १७० ट्रक तथा ट्याङ्कर, १९ बस तथा मिनिबस, ७५४ जिप–कार–भ्यान, ९१ ट्याक्टर, ३५१ मोटरसाइकल र १२३ टेम्पोचालकलाई कारबाही गरिएको हो।
गत आवमा उक्त जिल्लामा ६२ सवारीसाधन दुर्घटनामा परेका तथा तिनमा ३४ जनाको मृत्यु भएको जानकारी दिँदै उहाँले १७६ जना घाइते भएका बताए।