दार्चुला कारागारमा क्षमता भन्दा बढी कैदीबन्दी हुँदा समस्या

दार्चुला ।दार्चुला कारागारमा क्षमताभन्दा बढी कैदीबन्दी हुँदा व्यवस्थापनमा समस्या भएको छ । ४० जना कैदीबन्दीको क्षमता रहेको कारागार हाल ६४ जना रहेका छन् । क्षमताभन्दा बढी कैदीबन्दी हुँदा उनीहरूलाई बस्न समस्या भएको जिल्ला कारागारका जेलर रामराज पन्तले बताउनुभयो ।

२५ जना पुरुष र १५ जना महिला कैदीबन्दी राख्ने क्षमता भएको कारागारमा ६१ जना पुरुष र ३ जना महिला कैदीबन्दी राखिएको उहाँले बताउनुभयो ।

कारागारमा सबैभन्दा बढी जबरजस्ती करणी मुद्दाका १९ कैदीबन्दी छन् । कर्तव्य ज्यान मुद्दाका १४ पुरुष कैदी रहेका छन ।

यस्तै चोरी डकैती मुद्दाका दुई पुरुष, बहुविवाह मुद्दाका एक महिला र एक पुरुष, बालविवाह मुद्दाका एक पुरुष, चोरी मुद्दाका सात कैदी र एक थुनुवा, वन्यजन्तु ओसारपोसारका तीन कैदी र एक बन्दी तथा लागूऔषध मुद्दाका एक कैदी ९पुरुष० र एक बन्दी ९पुरुष० रहेका प्रमुख पन्तले बताउनुभयो ।

यसैगरी जबरजस्तीकरणी, बालविवाह मुद्दाका एक पुरुष , बहुविवाह मुद्दाका दुई पुरुष र एक महिला, व्यक्ति बेपत्ता मुद्दाका एक महिला र एक पुरुष र आत्महत्या दुरुत्साहन मुद्दाका एक पुरुष कैदी जेलमा रहेका छन् ।

Leave A Reply

Your email address will not be published.