दार्चुला –नेपाली कांग्रेस दार्चुलाले जिल्ला सम्मेलनको आयोजना गर्ने भएको छ। नेपाली कांग्रेस जिल्ला कार्य समिति सभापति ललित सिह बोहरा द्धारा जारी गरिएको एक सुचना मार्फत असार २३ गते सम्मेलनको मिती घोषणा गरिएको हो ।
सम्मेलनमा क्षेत्रीय अधिवेशन प्रतिनिधि,महासमिति सदस्य महादिवेशन प्रतिनिधि,जिल्लाकार्य समिति , नेपाली कांग्रेस गाउँपालिका, नगरपालिका कार्यसमिति लगायत नेपाली कांग्रेस भातृसंघ,शुभेच्छुक सबैलाई जिल्ला सम्मेलनमा सहभागि हुन आग्रह गरिएको जिल्ला कार्यसमिति सभापति ललित सिह बोहराले जानकारी दिनु भयो।
नेपाली कांग्रेसको विधान २०१७ को धारा १२ को उपधारा (३)बमोजिम पार्टीले जिल्ला सम्मेलनको आयोजना गरेको उहाँले बताउनु भयो । सम्मेलनमा नेपाली कांग्रेसको वडा, पालिका र क्षेत्रीय सम्मेलनबाट प्राप्त सुझावका बिषयमा गहन रुपमा छलफल हुने बताइएको छ ।
यस्तै सम्मेलनमा पार्टीको संगठन विस्तार, तल्लो तहसम्म पार्टीको वैचारिक बहस, पार्टीबाट निर्वाचित जनप्रतिनिधिहरुसंग छलफल हुने सभापति बोहराले बताउनु भयो ।असार २३ गते हुने सम्मेलनले नेपाली कांग्रेसको संगठन विस्तारलाई सहयोग गर्ने विश्वास गरिएको छ । नेपाली कांग्रेसको विधान अनुसार बर्षमा एक पटक जिल्ला सम्मेलन गर्नुपर्ने भएकाले सोही अनुसार सम्मेलनको आयोजना गरिएको नेपाली कांग्रेस दार्चुला का जिल्ला कार्यसमिति सचिब पुलेन्द्र बहादुर कार्कीले बताउनु भयो।
जिल्ला सम्मेलनमा नेपाली कांग्रेसका केन्द्रिय कार्य समितिका सदस्य तथा संघिय सांसद पुर्व मन्त्री दिलेन्द्र प्रसाद बडूको प्रमुख आर्थित्यतामा कार्यक्रमको आयोजना गरिएको नेपाली कांग्रेस दार्चुला का पार्टी सभापति ललित सिंह बोहराले बताउनु भयो।