स्थापना दिवसको अवसरमा निजामति कर्मचारी युनियन दार्चुलाद्धारा अनाथ, असहाय विद्यार्थीलाई शैक्षिक सामग्री वितरण
दार्चुला : नेपाल निजामति कर्मचारी युनियनको स्थापना दिवसको अवसरमा दार्चुलामा असहाय, अनाथ विद्यार्थीहरुलाई शैक्षिक सामग्री वितरण गरिएको छ । स्थापना दिवसको अवसरमा महेन्द्र नमुना मावि खलंगामा अध्ययन गर्ने अनाथ, असहाय विद्यार्थीहरुलाई शैक्षिक सामग्री वितरण गरिएको नेपाल निजामति कर्मचारी युनियन दार्चुलाका सचिव राकेश ठगुन्नाले जानकारी दिए ।
विद्यालयमा अध्ययनरत अनाथ १५ जना विद्यार्थीका लागि प्रति विद्यार्थी आधा दर्जन कापी र १ प्याकेट (२० वटा) कलम विद्यालयका प्रधानाध्यापक राम दत्त जोशीलाई एक कार्यक्रमका बीच हस्तान्तरण गरिएको उनले बताए । शैक्षिक सामग्री हस्तान्तरण कार्यक्रममा नेपाल निजामति कर्मचारी युनियनमा आवद्ध कर्मचारीहरुको सहभागिता रहेको थियो । हरेक वर्ष भाद्र १९ गते नेपाल निजामति कर्मचारी युनियनले आफ्नो स्थापना दिवस मनाउँदै आएको छ ।