दार्चुला –दार्चुलाको शैल्यशिखर नगरपालिका वडा नम्बर २ का सचीव खेमराज कपाडी मृत फेला परेका छन् । शैल्यशिखर–२ रौतेउडा बस्ने २८ वर्षीय कपाडी बैतडीको दोगडाकेदार गाउँपालिका(५ सल्सेनामा मृत भेटिएको जिल्ला प्रहरी कार्यालय बैतडीले जनाएको छ । हिजो बिहान तालिममा सहभागी हुन मोटरसाइकलमा डडेल्धुरा हिडेका कपाडीको शव र मोटरसाइकल आज भेटिएको हो । मोटरसाइकल सडकभन्दा १ सय ५० मिटर तल भेटिएको छ तथा मृतकको शव सडकबाट २ सय मिटर तल भेटिएको प्रहरी निरीक्षक योगेश खत्रीले जनाए ।
वडा सचिव कपाडी हिजो बिहान १० बजे डडेल्धुरा तालिममा सहभागी हुन बिहानै ४ बजे घरबाट हिडेका थिए।
कपाडीको मोटरसाइकललाई ठुलो गाडीले ठक्कर दिएको आशंका गरिएको छ । घटनाका बिषयमा अनुसन्धान भइरहेको प्रहरीले जनाएको छ ।
