दार्चुला– विविध कार्यक्रम गरी नेपाल विद्यार्थी संघले आफ्नो ५५ औँ स्थापना दिवस मनाएको छ । सोही अनुसार दार्चुलामा पनि नेविसंघले विभिन्न सामाजिक कार्य गरी स्थापना दिवस मनाएको जनाएको छ ।
स्थापना दिवसको अवसरमा जिल्ला सदरमुकामस्थितको महेन्द्र नमुना माविको गल्फैस्थित छात्रावासका असहाय बालबालिकालाई खाद्यान्न सहयोग गरिएको नेविसंघ दार्चुलाका उपाध्यक्ष दीपक खातीले जानकारी दिए ।
उपाध्यक्ष दिपक खाती, नेविसंघका धर्मेन्द्र जोशी, भिम ऐरी, रोशन मन्याल, मनिषा धामी र पुस्पा महताको उपस्थितिमा महेन्द्र नमुना माविका सहायक प्रधानाध्यापक दामोदर जोशीलाई खाद्यान्न हस्तान्तरण गरिएको हो ।
छात्रावासमा बस्ने विद्यार्थीको लागि ५० किलोग्राम चामल, ५ किलोग्राम दाल र ५ लिटर तेल सहयोग गरिएको उपाध्यक्ष खातीले बताए ।
स्थापना दिवसको अवसरमा सामुदायिक विद्यालयको गुणस्तर अभिवृद्धिका लागि सामुदायिक विद्यालयप्रति आम अभिभावक, विद्यार्थीको आकर्षक बढाउन स्थानीय सरकारले गर्नुपर्ने काम प्रगतिका बारेमा महाकाली नगरपालिकालाई ज्ञापनपत्र समेत बुझाइएको नेविसंघले जनाएको छ।
