दार्चुला – दार्चुलामा नेपाल र भारतको सीमा नाकामै कोरोनाको खोप लगाउन थालिएको छ। महाकाली नगरपालिका ४ स्थित नेपाल र भारत जोड्ने पुलघाटमा नेपालीलाई पहिलो पटक कोरोना विरुद्धको खोप लगाउन थालिएको हो।
नाकामै हेल्थ डेस्कमार्फत १८ वर्षमाथिका नागरिकलाई भेरोसेल र कोभिसिल्ड खोप लगाउन थालिएको स्वास्थ्य कार्यालय दार्चुलाका प्रमुख जयराज भट्टले जानकारी दिए। हालसम्म ७४ जनालाई खोप लगाईएको उनले बताए।
उक्त नाकाबाट दैनिक १५० बढी मानिस आउने गरेका छन्।