दार्चुला – शुक्रबार राती अएको हावाहुरीले दार्चुलाको शैल्यशिखर नगरपालिका ५ बजानी दलीत बस्तीमा रहेको १ घरको छानो उडाएको छ । हावाहुरी संगै आएको पानीले घरको छानो उडाउदा बास बस्न समेत समस्या रहेको स्थानीय प्रदिप बादीले बताउनु भयो।
जस्ताका पाता बाट निर्माण गरिएको घरको छानो हावाले उडाए संगै घरभित्र पानी पस्दा घरभित्र रहेको अन्नपात भिजेर क्षति भएको छ । साथै गोठमा रहेका गाईबस्तु लाई पनि चोट पटक लागेकोे पिडित सुन्दरी बादीले बताइन ।
बडा अध्यक्ष जनक सिंह डागा को संयोजकत्वमा अनुगमन मा गएका वडा कार्यलयको टीम अनुगमन गरेर फर्किएका छन। वडा अध्यक्ष जनक डागाले उक्त बारेमा नगरपालीका लाई सिफारीस गर्ने र आफुले गर्न सक्ने सक्दो सहयोग गर्ने बताएका छन ।