दार्चुला ।
जुवातास मुद्दामा अदालतबाट सजाय तोकिएपछि फरार रहेका दार्चुलाका एक जना पक्राउ परेका छन् ।
जिल्ला अदालत दार्चुलाले २०८३ वैशाख २३ गते गरेको फैसलाअनुसार जुवातास मुद्दामा २७ दिन कैद र दुई सय रुपैयाँ जरिवाना तोकिएका महाकाली नगरपालिका–४ का २९ वर्षीय अशोक सिंह कुँवर पक्राउ परेका हुन् ।
कुँवरलाई जिल्ला प्रहरी कार्यालय दार्चुलाबाट खटिएको प्रहरी टोलीले बिहीबार दिउँसो पक्राउ गरेको प्रहरीले जनाएको छ । पक्राउ परेका कुँवरलाई फैसला कार्यान्वयनका लागि सम्बन्धित निकायमा बुझाउने प्रक्रिया अघि बढाइएको प्रहरीले जनाएको छ ।
