अछाममा मलामी बोकेको ट्रयाक्टर दुर्घटना भएको छ । जिल्लाको पन्चदेवल नगरपालिका ४ कालिकास्थान भन्ने ठाउँमा ट्रयाक्टर दुर्घटना हुँदा १ जनाको मृत्यु भएको छ ।
पन्चदेवल नगरपालिका ४ कै ६० बर्षिय जहरी कामीको लास लिएर घाट तर्फ जादै गर्दा भे १ त ६७५६ नम्बरको ट्याक्टर दुर्घटना भएको हो ।
दुर्घटनामा परी सोही ठाउँका २२ बर्षिय बृख बिकको घटनास्थलमै मृत्यु भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाले जनाएको छ ।
ट्रयाक्टर दुर्घटनामा परी २३ जना घाइते भएका छन् । २३ मध्ये ४ को अवस्था गम्भिर रहेको छ भने १९ जनाको अवस्था सामान्य रहेको जिल्ला प्रहरी कार्यालय आछाम ले जनाएको छ ।
