दार्चुला- सुदूरपश्चिम प्रदेशका ७ पहाडी जिल्ला जोड्ने भीमदत्त राजमार्ग अवरुद्ध बनेको छ ।राजमार्ग अन्तर्गत कैलालीको खानीडाँडा र बुढीतोला क्षेत्रमा पहिरोले सडक भत्किपछि यातायात अवरुद्ध भएको हो । करिब ३ सय मिटरको दुरीसम्म सडक भाँसिएको छ । सडक भासिएपछि कैलाली र कञ्चनपुरबाट सुदूर पहाडका ७ वटै जिल्लाको यातायात सेवा ठप्प रहेको छ ।पहाडबाट तराई कैलाली र कञ्चनपुर झर्ने र तराईबाट पहाड जाने सबै सवारी साधन बाटोमै रोकिएको प्रदेश ट्राफिक प्रहरी कार्यालय अत्तरियाका प्रहरी नायब उपरीक्षक दीपेन्द्र कुमार पालले बताए ।सुदूर पहाडबाट तराई झर्ने सवारी साधन पनि पहाडमै रोकिएका छन् । सडक सुचारु गर्ने आवश्यक पहल भइरहेको प्रहरीले जनाएको छ ।