दार्चुला- नेकपा एमालेको जिल्ला अधिबेशनमा सहभागि हुन एमालेका बरिष्ठ उपाध्यक्ष इश्वर पोखरेल दार्चुला आउने कार्यक्रम तय भएको छ । नेकपा एमालेका प्रचारप्रसार बिभाग प्रमुख खड्क बडालका अनुसार पोखरेल यही पुस १७ गते दार्चुला आउने कार्यक्रम तय भएको हो । नेकपा एमालेले यही पौष १८र १९ गते सदरमुकाम खलंगामा नवौं जिल्ला अधिबेशन गर्न लागेको छ ।
अधिबेशन उद्धघाटन र सम्बोधन गर्न एमाले उपाध्यक्ष पोखरेल दार्चुला आउन लागिएको नेकपा एमाले जिल्ला कमिटि दार्चुलाले जनाएको छ । उहाँसंगै पार्टीका केन्दीय सचिव तथा सुदूरपश्चिम प्रदेश इनचार्ज छविलाल विश्रकर्मा दार्चुला आउने कार्यक्रम रहेको छ । नेकपा एमालेका अध्यक्ष तथा पुर्वप्रधामन्त्री केपी शर्मा ओलीसहित केन्द्रीय पदाधिकारीहरुलाई आमन्त्रण गरिएको भएपनि कार्यब्यस्तताले दार्चुला नआउने नेकपा एमाले दार्चुलाले जनाएको छ ।