नेविसंघको आज स्थापना दिवस : ७५३ पालिकालाई बुझाइयो शैक्षिक सुधारको ज्ञापनपत्र

काठमाडौँ– नेपाली कांग्रेसको भ्रातृ संस्था नेपाल विद्यार्थी संघ (नेविसंघ) ले आफ्नो ५५ औँ स्थापना दिवसमा स्थानीय तहलाई शैक्षिक सुधारका लागि सुझावसहितको ज्ञापन पत्र बुझाएको छ ।

नेविसंघका अध्यक्ष दुजाङ शेर्पाले ७५३ वटा पालिकामा शैक्षिक सुधारका लागि सुझावसहितको ज्ञापन पत्र बुझाउने काम भएको बताए । उपनिर्वाचनको सिलसिलामा इलाममा पुगेका शेर्पाले इलाम नगरपालिकाका मेयर केदार थापालाई ज्ञापन पत्र बुझाएका हुन् ।

अध्यक्ष शेर्पाका अनुसार ज्ञापन पत्र बुझ्दै मेयर थापाले नेविसंघको माग अनुसार ‘स्किल अफ फ्राइडे’ र लागू औषध मुक्त नगरपालिका बनाउने बताएका थिए । सबै पालिकामा नेविसंघले ज्ञापन पत्र बुझाइसकेको उनले बताए ।

काठमाडौँ महानगरमा ज्ञापन पत्र बुझाउन पुगेका नेविसंघका केन्द्रीय सदस्य विनोदराज जोशी र परोपकार अधिकारीले शिक्षा क्षेत्रमा प्रसंशनीय कार्य गरेता पनि अझै थुप्रै विषयहरूमा काम गर्नुपर्ने बताएका थिए । देशभरका पालिकामा नेविसंघले केन्द्रीय समितिको निर्णयअनुसार १७ बुँदे सुझावसहितको ज्ञापन पत्र बुझाएको छ । यस्तै दार्चुलाका ९ ओटै पालिकाहरुमा पनि नेबि संघले ज्ञापन पत्र बुझाएको छ ।
दार्चुलाको लेकम गाउँपालिका, मालिकार्जुन गाउँपालिका, शैल्यशिखर नगरपलिका, मार्मा गाउँपालिका, अपी हिमाल गाउँपालिका, दुहु गाउँपालिका, ब्यास गाउँपालिका, र महाकालि नगरपालिकामा पनि नेबिसंघले ज्ञापन पत्र बुझाएको हो

मालिकार्जुन गाउँपालिका अध्यक्ष हिरा सिंह धामीलाई ज्ञापनपत्र बुझाउँदै

Leave A Reply

Your email address will not be published.