दार्चुला- दार्चुलाको अपिहिमाल गाउँपालिका–५ मकरीगाड खोलामा बगेर एक जना बेपत्ता भएका छन् ।
आइतबार मकरिगाड खोलामा बगेर अपिहिमाल गाउँपालिका वडा–३ रौँला बस्ने वर्ष ४२ का मोहनसिंह धामी नदीमा बगेर बेपत्ता भएको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्र बहादुर सिंहले जानकारी दिए ।
उहाँका अनुसार मकरीगाड देखि खण्डेश्वरी जानेक्रममा मकरीगाड खोलामा बगेर ४२ वर्षीय धामी बेपत्ता भएका हुन ।
बेपत्ता धामीको खोजी गर्नका लागि इलाका प्रहरी कार्यालय लटिनाथ र प्रहरी चौकी खण्डेश्वरीबाट प्रहरी टोली घटनास्थलमा गएको जिल्ला प्रहरी कार्यालय दार्चुलाले जनाएको छ । बेपत्ता धामीकाे खाेजी कार्यकाे लागि स्थानीय र प्रहरी खटाइएको छ ।