काठमाडौँ– नेपाली कांग्रेसका महामन्त्री विश्वप्रकाश शर्माले सहकारी संस्था बचत रकम दुरुपयोग सम्बन्धमा संसदीय छानबिन समितिले तयार गरेको प्रतिवेदनबारे भ्रम नछर्न राष्ट्रिय स्वतन्त्र पार्टी (रास्वपा)लाई आग्रह गरेका छन् । ‘प्रचलित कानुन बमोजिम कारबाहीका लागि सिफारिस गर्ने’ प्रतिवेदनको निर्णय पढ्न उनले आग्रह गरेका हुन् ।
त्यस्तै, उनले पार्टीलाई आफ्नो नाम परिवर्तन गर्न पनि सुझाव दिएका छन् । स्वतन्त्र मन बनाएका नागरिकको भावनात्मक आवेश क्यास गर्न ‘स्वतन्त्र’ नाम रोजे पनि अब त्यसलाई छाडेर दलको नाम राख्न उनको सुझाव छ ।
‘कतिपय असन्तुष्टिको माहौलमा `स्वतन्त्र´ मन बनाएका कतिपय नागरिकको भावनात्मक आवेग `क्यास´ गर्न `स्वतन्त्र´ नाम रोज्नुभो, एउटा आकार बनाउनुभो l अब `स्वतन्त्र´ छोडेर दलको नाम जुराउने साहस राख्नोस् ! शुभकामना !,’ उनले लेखेका छन् । रास्वपाको प्रथम राष्ट्रिय सम्मेलनको सफलताको शुभकामनासमेत दिएका छन् ।