दार्चुला । बडादशैँको अवसरमा दार्चुलाका विभिन्न मन्दीर तथा शक्तिपिठहरुमा लागेका जात्रा सम्पन्न भएका छन । महाअष्टमी देखि यस क्षेत्रका विभन्न मठमन्दीरहरुमा दिउँसो र रात्री कालिन जात्रा लाग्ने गर्दछन ।
दार्चुलामा महानवमीको दिन लेकम गाउँपालिका वडा नम्बर ६ मा रहेको हुनैनाथ भैरवनाथ मन्दिर सिरोडामा रात्रीकालिन जात्रा लागेको थियो ।
त्यस्तै दशमीको दिन जिल्लाको मालिकार्जुन गाउँपालिका वडा नम्बर ४ मा रहेको हुनैनाथ मन्दिर औतालेक र लेकम गाउँपालिका वडा नम्बर ५ मा रहेको ऐडिबाग मन्दिर मैखोली पाटामा लागेको जात्रा शान्तीपुर्ण रुपमा सम्पन्न भएका छन ।
ऐडिबाग मन्दिरमा विजयादशमीको दिन दिनभरी पुजन जात्रा लगाएर मध्यराती समापन गरिएको बताइएको छ ।
गाउँघर बाहिर रहेकाहरु समेत गाउँमा फर्किएकोले दशैं जात्रामा भेटघाट र सुखदुख साटासाटको अवसर समेत जुट्ने गर्दछ ।
असत्य माथि सत्यको विजयउत्सबका रुपमा यो वर्षको दशैं पनि आम नेपालीजनले मनाएका छ ।