दार्चुला ।दार्चुलामा रहेको प्रसिद्ध जगन्नाथ मन्दिरमा आज राति जात्रा लाग्दैछ। हरेक वर्ष कार्तिक हरिबोधनी एकादशी तिथिका दिन जगन्नाथ मन्दिरमा पूजाआजासहित जात्रा लाग्ने गरेको छ। दार्चुलाको शैल्यशिखर नगरपालिका -५ बगौरा लेकगाउमा अवस्थित जगन्नाथ मन्दिरमा लाग्ने जात्रालाई मध्य नजर गर्दै मदिरा तथा जुवातास पुर्ण रुपमा निशेध गरिएको मन्दिर ब्यबस्थापन समितिले जनाएको छ।
पवित्र मनले जगन्नाथको दर्शन गर्नाले पूण्य मिल्ने , मनोकामना पूरा हुने र खासगरी निःसन्तालाई सन्तान सुख प्राप्त हुने जनविश्वास रही आएको छ । जात्रालाई थप मर्यादित बनाउन प्रहरी परिचालन गरिने जिल्ला प्रहरी कार्यालय दार्चुलाले जनाएको छ।
