काठमाडौँ । नेपाली कांग्रेसका सभापति गगन थापाले सामाजिक सञ्जालमार्फत निर्वाचनको मौन अवधिमा पार्टी र उम्मेदवारविरुद्ध भ्रामक सामग्री फैलाइएको आरोप लगाएका छन् ।
मंगलबार साँझ सार्वजनिक गरिएको एक स्टाटसमा थापाले निर्वाचन नजिकिँदै जाँदा, मौन अवधिमा समेत आफूलगायत नेपाली कांग्रेसका उम्मेदवारविरुद्ध असत्य कथा, भ्रामक सूचना तथा ‘हेर्फेर गरिएका’ भिडियोहरू सामाजिक सञ्जालमा योजनाबद्ध रूपमा फैलाइएको उल्लेख गरेका हुन् ।