Naya Sadar
Badar

महाकाली नगरपालिकाको न्यायिक समितीमा हाल सम्म ६३ मुद्दा दर्ता

Sadar Sano

अमर सिंह धामी, दार्चुला । दार्चुलाको महाकाली नगरपालिकाको न्यायिक समितीमा न्यायिक समिती स्थापना भए देखि हाल सम्म ६३ वटा मुद्दा दर्ता भएका छन ।

नगरपालिकामा न्यायिक समिती दर्ता भए देखि हाल सम्म उक्त संस्यामा विभिन्न किसिमका उजुरी दर्ता भएको महाकाली नगरपालिकाका न्यायिक समितीका कानुनी सल्लाहकार हरिश चन्द्र जोशीले जानकारी दिनुभयो ।

Naya Mat patra

देश संघिय संरचनामा गए संगै संविधानको धारा २१७ अन्तर्गत गठित न्यायिक समितिहरूलाई स्थानीय झैझगडा, साँध सिमाना, घरेलु हिंसा जस्ता विवादहरूलाई खासगरि मेलमिलापमार्फत निरूपण गर्ने जिम्मा स्थानीय तहलाई दिइएको छ ।  देशभरका स्थानीय तहहरुमा नगरउप प्रमुख तथा गाउँपालिकाका उपाध्यक्षको संयोजकक्तोमा न्यायिक समिती गठन भएका छन। संविधानले स्थानीय तहका उपप्रमुख एवम् उपाध्यक्षहरूलाई न्यायिक अधिकार दिएपछि अहिले स्थानीय तहमै उजुरी पर्न थालेको हो ।

संविधानले न्यायिक समितिलाई कानुन बमोजिम आफ्नो अधिकारक्षेत्र भित्रका विवाद निरूपण गर्न गाउँपालिका वा नगरपालिकाले उपाध्यक्षको संयोजकत्वमा तीन सदस्यीय न्यायिक समिति गठन गर्ने प्रावधान राखेको छ । सोही प्रावधान अनुसार गठित न्यायिक समितिले आएका उजुरीमाथि छानविन एवम् मिलापत्र गर्न थालेका छन ।

जिल्लाको महाकाली नगरपालिकाले हाल सम्म परेका ६३ मुद्दा दर्ता भएकोमा ५६ वटा मुद्दा दर्ता समाधान गरेको  छ।  आर्थिक बर्ष २०७४/०७५ मा ४ वटा मुद्दा दर्ता भएको छन ।  आर्थिक बर्ष २०७५/०७६ मा १६  वटा मुद्दा दर्ता भएको जोशीले बताउनुभयो  ।  आर्थिक बर्ष २०७६ /०७७मा ९ वटा मुद्दा दर्ता भएकोमा ५६ वटा मुद्दाको समाधान गरिएको र ७ वटा मुद्दा समाधान हुन बाकिँ रहेका छन, भने आर्थिक बर्ष २०७७ /०७८मा ३३ वटा मुद्दा दर्ता भएक छन ।

न्यायिक समितीको क्षेत्राअधिकार भित्र पर्ने विभिन्न किसिमका मुद्दाहरुको न्यायिक समितीमै छलफल गरि समाधान गर्ने गरेको जोशीले बताउनुभयो । समाधान हुन बाँकी रहेका ७ वटा मुद्दाहरुपनि छलफलको क्रममै रहेकोले छिट्टै समाधान गरिने उहाँको भनाई छ। न्यायिक समितीमा घरेलु हिंसा, जग्गा विवाद समबन्धीका मुद्दा बढी रहेका छन ।

Leave A Reply

Your email address will not be published.