दार्चुला । भारत सरकारको सहयोगमा दार्चुलाको शैल्यशिखर नगरपालिका–९ स्थित गोकुलेश्वर माध्यमिक विद्यालय गोकुलेश्वरको भवन निर्माण हुने भएको छ।
उक्त भवनको आज काठमाडौंस्थित भारतीय राजदूतावासका प्रथम सचिव वशिष्ट नन्दन र शैल्यशिखर नगरपालिकाका नगर प्रमुख विजय सिह धामीले भवनको संयुक्त रूपमा उद्घाटन गरेका छन्। उक्त भवन भारत सरकारको हाई इम्प्याक्ट कम्युनिटी डेभलपमेन्ट प्रोजेक्ट अन्तर्गत निर्माण हुन लागेको हो।
नगरपालिकाले भारत सरकारद्वारा प्रदान गर्दै आएको सहयोगको प्रशंसा गरेको छ । नयाँ पूर्वाधारले शैल्यशिखर नगरपालिकाका विद्यार्थी र शिक्षकहरुका लागि सिकाइको वातावरण बढाउन मद्दत गर्ने विश्वास व्यक्त गरेको छ ।
शिलन्यास कार्यक्रममा काठमाडौंस्थित भारतीय राजदूतावासका प्रथम सचिव वशिष्ठ नन्दन र शैल्यशिखर नगरपालिकाका नगरप्रमुख विजय सिंह धामी, उप प्रमुख शान्ति खडायत, निमित्त प्रमुख प्रशासकीय अधिकृत भोजराज भट्ट, विव्यस अध्यक्ष लक्ष्मी जोशी, प्रधानाध्यापक पिताम्बर बिष्ट, वडाअध्यक्ष लगायत जनप्रतिनिधि, कर्मचारी, शिक्षक, अभिभावक, निर्माण व्यवसायी लगायत सरोकारवालाहरूको सहभागिता रहेको थियो।