कञ्चनपुर ३१ बैशाख ।
कञ्चनपुरको एक नगरपालिकाले शारीरिक अपाङ्गता सहायक सामाग्री चेकजाचँ शिविर सञ्चालन गरेको छ ।
शुक्रबार दोधाराचाँदनी नगरपालिकाको आयोजना र एनएनएसडब्लुएको प्राविधिक सहयोगमा उक्त शिविर सञ्चालन गरेको हो ।
उक्त कार्यक्रमलाई सम्बोधन गर्दै प्रमुख अतिथि नगर उपप्रमुखले अपाङ्गता भएका व्यक्तिहरुले पनि सपाङ्ग जति नै कार्य गर्न सक्ने उदाहरण दिदै नगरपालिकाबाट पाउँने सेवाबाट कोहि पनि नछुट्न अनुरोध गरेका छन । यस्तै नगरपालिका प्रमुख प्रशासकिय अधिकृत हरिश चन्द्र जोशीले बिगत धेरै बर्ष अघिदेखि समाजिक सेवामा अग्रसर रहदै आएको एनएनएसडब्लु संस्थालाई उक्त कार्यक्रमको लागि धन्यवाद व्यक्त गर्दै यस कार्यबाट अपाङ्गता भएका व्यक्तिहरुले पाउने सुविधाबाट उनीहरुको जिवनशैलिमा धेरै सुधार आउने अपेक्षा रहेको बताए । यसै गरी शिविरमा अपाङ्गता भएका व्यक्तिहरुलाई के कस्तो सामाग्री आवश्यक पर्ने छ भनी चेकजाँच गरीने र पछि सोही अनुसारको सामग्री निमार्ण गरेर नगरपालिकामा यस्तै कार्यक्रमको आयोजना गरेर हस्तान्तरण गरीने एनएनएसडब्लुएका प्रतिनिधि टेक बहादुर बुढाले बताए । आयोजित नगरपालिकाको कार्यक्रममा ६३ जनाको चेकजाँच भएको थियो भने सहभागिहरुले नगरको आयोजित कार्यक्रमको प्रशंसा गरेका थिए ।